أول ما تفتح: كل طلابك وفلوسهم ومستواهم في مكان واحد
كل مجموعة لوحدها: الكود، الموبايلات، الرصيد، المتوسط، الحضور.
الإيراد والمصروفات والصافي، ورصيد كل طالب — وكل رقم بيفتح تفاصيله.
في كل مجموعة وفي الصف كله، بمتوسط كل الكويزات.
جنب كل اسم: ▲ بيتحسن، ▼ بيقل، ⚠ ضعيف، غاب، رصيده خلص.
1 · الحضور
من غير طابور ولا كشف
500 طالب، والأسيستنت بتدوّر في الكشف وتلم فلوس وفكة.
الطالب يوري الـ QR ⇒ صوت ولون ⇒ اللي بعده. 3 ثواني بدل 20.
- الحصة بتتخصم من اشتراكه لوحدها، ولو رصيده خلص: كاش بدوسة أو مايدخلش.
- ماعملش الواجب؟ يدخل أو يطلع (والحصة بتفضل في محفظته) — انت تختار.
- دلوقتي بالكود والـ QR، والجاي: كارت NFC أو سكانر ثابت على الباب.
2 · الفلوس
اشتراك مقدم — مفيش «هدفع بعدين»
فلوس بتتلم كل حصة، وفكة، ومحدش عارف مين دفع لحد إمتى.
ولي الأمر يختار «4 حصص» ⇒ يحوّل المبلغ بالظبط ⇒ يتشحن.
- الطلب بيوصل للأسيستنت بصورة الإيصال وتأكد بدوسة — المستر مش محتاج يعمل حاجة.
- أو أوتوماتيك: رسالة فودافون كاش بتتطابق وتشحن لوحدها.
- محدش يزوّد رصيده من غير ما يدفع — جرّبنا كل طرق التحايل واترفضت.
3 · الكويزات
الطالب يعرف غلط في إيه، والصح إيه، وليه
الدرجة بتتكتب والطالب مايعرفش غلط فين.
الأسيستنت بتدوس على أرقام الأسئلة الغلط ⇒ الدرجة لوحدها ⇒ الطالب يشوف الصح والشرح.
- نموذج الإجابة بيتكتب مرة واحدة (اختياري)، والتصحيح دوسة.
- الطالب بيشوف ترتيبه، ويقدر ينزّل كل أخطائه بالإجابات PDF يذاكر منها.
- ولي الأمر: رسالة الدرجة، و«درجته نزلت عن اللي قبلها» لوحدها.
4 · مستوى الطلاب
مين محتاج متابعة — قبل الامتحان
في كل مجموعة: الأوائل بالترتيب، واللي درجاتهم بتقل، والضعاف، واللي بيتحسنوا، والغايبين.
- الأوائل: بمتوسط كل الكويزات. بيقل/بيتحسن: آخر كويز مقارنة باللي قبله.
- «ضعيف» تحت كام %؟ انت اللي بتحدد.
- «ابعتلهم رسالة» بدوسة — للفئة دي بس.
- 1آدم حسن100%
- 2آية نبيل98%
- 3أحمد عادل97%
- 4بلال جمال95%
- أنس جمالمن 90% لـ 60%
- آية وليدمن 70% لـ 40%
5 · واتساب Business API
أولياء الأمور كلهم على واتساب — فكل حاجة بتوصلهم هناك لوحدها
تليفونات طول اليوم: ابني جه؟ درجته كام؟ فاضله كام حصة؟ ورسايل بتتبعت واحد واحد.
- من رقم واتساب رسمي باسمك (Business API) — مش رقم شخصي يتقفل.
- بتتبعت لوحدها: حضر/غاب، ماعملش الواجب، الدرجة والترتيب، درجته نزلت، الرصيد خلص، الشحن اتأكد.
- انت تختار كل نوع: أوتوماتيك أو بزرار أو مقفول، ولمين (الطالب، ولي الأمر، الاتنين).
- رسالة لكل المجموعة أو لفئة (الأوائل، الغايبين…) في ثانية.
لحد ما الرقم الرسمي يتربط: الرسايل بتظهر في التطبيق، وبتتبعت واتساب بزرار.
والكمان
الإيراد والمصروفات (والمتكررة زي الإيجار) والصافي، وكل جنيه جه منين وراح فين.
كل أسيستنت شغلها وصلاحياتها (حتى «النهارده بس»)، وشايف كل واحدة عملت إيه.
بيانات طلابك وفلوسك عندك ومتأمّنة، وتنزّلها إكسل في أي وقت.
المستر، الأسيستنت، الطالب، ولي الأمر — بلوجو وألوان معمولين ليك.
بنك أسئلة بالدروس، سؤال اليوم، ترتيب وتحديات، وملخص الشهر للطالب.
شيت كل مجموعة بيدخل مرة واحدة، وكل طالب ياخد كارته على موبايله.
جاي قريب إن شاء الله: التصحيح الأوتوماتيك بتصوير ورقة الإجابة · شيت إكسل بيتحدّث لوحده · بوست الأوائل على فيسبوك لوحده.